Metallica

Metallica
Metallica en 2008
Datos xenerales
Orixe	Los Angeles 08, California, Estaos Xuníos
Información artística
Xéneru(os)	Heavy metal, Thrash metal, Hard rock, Metal alternativu
Periodu d'actividá	1981 - presente
Sellu discográficu	Megaforce, Vertigo, Elektra
Miembros
James Hetfield, Lars Ulrich, Kirk Hammett, Robert Trujillo
Enllaces esternos
Sitiu web oficial	https://www.metallica.com
Discogs	18839
Facebook	metallica
Twitter	metallica
IMDb	nm0582376
[editar datos en Wikidata]

Metallica ye una banda de Heavy metal y Thrash metal norteamericanu orixinaria de Los Angeles, pero con base en San Francisco dende febreru de 1983.

Historia

Metallica foi fundada en 1981 en Los Angeles pol batería danés Lars Ulrich y el guitarrista y cantante James Hetfield, a los que se-yos xuniríen Lloyd Grant y Ron McGovney. Estos dos músicos fueron dempués sustituyíos pol guitarrista Dave Mustaine y el baxista Cliff Burton, Mustaine foi despidíu un añu dempués d'ingresar na banda por cuenta de la so escesiva adicción al alcohol y la so actitú violenta, fundando'l so propiu proyeutu musical: Megadeth. Mustaine foi sustituyíu por Kirk Hammett, ex guitarrista d'Exodus. Per otra parte, en 1986, la muerte de Cliff Burton nun accidente d'autobús en Suecia provocó la entrada al grupu de Jason Newsted quien, tres el so abandonu quince años más tarde, sería sustituyíu pol baxista actual, Robert Trujillo.

A la fecha, la banda editó nueve discos d'estudiu. Les ventes totales de Metallica superen los 100 millones, y considérase-yos parte de los cuatro grandes del Thrash metal, xuntu con Megadeth, Slayer y Anthrax, de los cualos Metallica ye claramente'l más popular, superando inclusive l'ámbitu del Heavy metal en sí mesmu, y convirtiéndose nun artista de Rock "mainstream".

Amás, el grupu consiguió numberosos premios musicales, ente los que destaquen nueve "Grammys", dos premios daos pola cadena musical MTV, dos gallardones de l'Academia de Música Americana (American Music Awards) y un premiu de la revista Billboard, amás de tener una estrella nel "Paséu de la Fama" de la revista Kerrang!

Discografía

• Kill 'Em All (1983)
• Ride the Lightning (1984)
• Master of Puppets (1986)
• ... And Justice for All (1988)
• Metallica (1991)
• Load (1996)
• ReLoad (1997)
• St. Anger (2003)
• Death Magnetic (2008)
• Hardwired... to Self-Destruct (2016)

Referencies

Enllaces esternos

• Website oficial
• Wikimedia Commons acueye conteníu multimedia sobre Metallica .

Referencies

• Traducíu de Wikipedia n'español